ПЕШНИҲОДИ МОЛҲОИ ЭНЕРГЕТИКӢ ВА ИМКОНИЯТҲОИ БОЗОРИИ ТАШКИЛОТҲОИ ЭНЕРГЕТИКӢ ОИД БА ТАШАККУЛЁБИИ ОН
Муаллифон
Чакида
Мақола ба мушкилоти минтақавии соҳаи энергетикаи Ҷумҳурии Тоҷикистон бахшида шудааст. Таъкид мешавад, ки бозори нерӯи барқ яке аз бозорҳои технологӣ мураккаб мебошад. Хусусияти нерӯи барқ дар он аст, ки онро ҷамъоварӣ ва нигоҳ доштан номумкин аст, ки ин зарурати нигоҳ доштани тавозуни доимӣ байни талабот ва пешниҳодро барои фаъолияти устувори ҳар як низоми энергетикӣ таъмин мекунад. Таҳлили хусусиятҳои манбаъҳои нерӯи барқ, ки тавозуни энергетикии кишварро таъмин мекунанд, гузаронида шудааст. Ин таҳлил нишондиҳандаҳои истеҳсол, содирот, воридот ва талафоти нерӯи барқ дар низоми энергетикӣ, инчунин ҳиссаи нерӯи барқеро, ки аз нерӯгоҳҳои барқии хурд истеҳсол мешавад, дар ҳаҷми умумии иқтидорҳои генераторӣ дар бар мегирад. Истифодаи нерӯи барқ аз ҷониби бахшҳои гуногуни иқтисодиёти кишвар бо дарназардошти хусусиятҳои бозори энергетикӣ баррасӣ шудааст. Тафовутҳо дар истеъмоли нерӯи барқ дар байни гурӯҳҳои гуногуни истеъмолкунандагон ошкор шудаанд. Барои муайян кардани омилҳое, ки ба талаботи нерӯи барқ таъсир мерасонанд, таҳлил бо истифода аз усулҳои оморӣ-математикӣ анҷом дода шудааст. Нишондиҳандаи маҷмӯӣ, ки таъсири бузургтаринро ба талабот дорад, муайян карда шудааст. Дар доираи таҳқиқот таъмин будани минтақа бо захираҳои энергетикӣ, ки дар оянда барои истеҳсоли энергияи гармӣ истифода мешаванд, баҳогузорӣ шудааст. Пешниҳод шудааст, ки ангишт барои гарм кардани манзил ва қонеъ кардани дигар ниёзҳои хоҷагӣ истифода шавад. Ин масъала махсусан дар шароити гармшавии глобалӣ, тағйироти шадиди иқлимӣ ва коҳиши сатҳи об дар обанборҳои неругоҳҳои барқи дар фасли зимистон аҳамият дорад.
Калидвожаҳо
бозори энергетикӣ, моли энергетикӣ, қувваи барқ, захираҳои энергетикӣ, гидроэнергия, захираҳои табиӣ, барқтаъминкунӣ, истифодабарии барқ.
Таърихи нашр
2026-03-27