БАЛАНД БАРДОШТАНИ ДАҚИҚИИ УСУЛИ МУАЙЯН КАРДАНИ ТАЛАФОТ ДАР ШАБАКАҲОИ ТАЪМИНОТИ БАРҚИ ПАСТШИДДАТ

Муайянкунии дақиқи бузургии талафоти қувваи барқ (ҚБ) ҳангоми тарҳрезӣ барои оптимизатсия кардани сохтори схемаи шабака, интихоби макон ва шумораи дастгоҳҳои тақсимотӣ, инчунин муайян кардани қисми буриши ноқилҳо ва симҳо муҳим мебошад. Маълумотҳои оморӣ нишон медиҳанд, ки талафоти ҚБ дар шабакаҳои тақсимоти пастшиддат тақрибан аз 4 то 20% аз истифодаи умумии нерӯи барқро ташкил медиҳад. Дар мақола омилҳои асосие, ки бузургии муқовимати эквивалентии минтақаи омехтаи шабакаи коргоҳро муайян мекунанд, таҳқиқ мешаванд. Тағйироти муқовимати қитъаҳои схемаи таъминоти барқи корхонаи саноатӣ аз коэффитсиенти боркунии дастгоҳҳо ва ҳарорати гармидиҳии ноқилҳо ва хатҳои кабелӣ пешниҳод карда мешавад. Омилҳое, ки ба муқовимати эквивалентии схема таъсир мерасонанд, муайян карда шудаанд: муқовимати дастгоҳҳои коммутатсионии пастшиддат (ДКП), ҳарорати гармшавии ноқилҳо, ҳарорати муҳити атроф ва коэффитсиенти боркунии дастгоҳҳо. Хатогиҳо аз сабаби ба ҳисоб нагирифтани параметрҳои асосии таҷҳизот ҳангоми ҳисоб кардани муқовимати эквивалентии схемаи омехтаи шабака муайян карда шуданд. Муқаррар шудааст, ки хатогӣ ҳангоми ба ҳисоб нагирифтани муқовимати пайвасткуниҳои контактии ДКП то ба 77% мерасад. Хатогии умумии баҳодиҳии муқовимати эквивалентӣ ҳангоми нодида гирифтани параметрҳои асосии таҷҳизоти таҳқиқшаванда барои схемаҳои радиалӣ, магистралӣ ва омехта метавонад то 45% бошад. Натиҷаҳои бадастомада метавонанд барои баланд бардоштани эътимоднокии баҳодиҳии талафоти ҚБ дар шабакаҳои дохилии электрикӣ тавсия дода шаванд.

шабакаҳои пастшиддат, дастгоҳҳои коммутатсионии барқӣ, пайвастҳои контактӣ, муқовимати контактӣ, ноқилҳо, хатҳои кабелӣ.

2026-03-30